「依舊 · 伊串人」—— 2026 舊生重聚日

「依舊 · 伊串人」—— 2026 舊生重聚日主題片段

三十年光陰在變，但「伊串人」的情誼依舊，喺一連串三十周年慶祝活動之後，舊生會同母校喺2026年9月12日（星期六）合辦今年度嘅舊生重聚日，邀請咗橫跨三十年唔同年份畢業嘅舊生，返到母校一齊聚首一堂。

今年，舊生會好榮幸歡迎新任校長宋凱恩校長加入伊中中大家庭！宋校長當日除咗同出席舊生交流之外，亦介紹咗母校嘅最新變化，幹事會十分期待，喺未來嘅日子同宋校長繼續合作！除此之外，今年亦係羅校長嘅榮休大日子。幹事會當日特意準備咗心意卡同相框送俾羅校長，感謝校長多年嚟對母校嘅奉獻，以及長期對舊生會嘅支持。本會再次喺度祝願羅校長榮休後生活愉快，身體健康！

今次嘅重聚日活動十分豐富，除咗舊生同師生球類比賽之外，更加有由舊生會同人文學會合作嘅Lego小伊人校園遊蹤，舊生們一邊遊歷校園，一邊搵小伊人嘅蹤影。另外，舊生會嘅開放日紀念品同人文學會嘅Lego公仔人偶都係當日再次販售。

感謝出席今年重聚日嘅各位嘉賓同舊生，亦都十分感謝母校、老師、同事同各位舊生義工嘅幫手。希望大家記得，無論大家幾時畢業、而家身處社會邊個地方，我哋每一位都係喺伊中中成長嘅「伊串人」。

我哋下年重聚日見！💛❤️🤎💙